Las lavurs vid la nova deponia a Fadretsch han puspei entschiet. Ad interim sesanflan las muldas aunc sco usitau sil plaz dalla serenera. Pli tard vegnan ellas puspei spustadas sil plaz da lenna sco igl onn vargau entochen che las lavurs ein terminadas.
Duront il temps da baghegiar supplichein nus da furnir curdem verd mo las seras e sondas.
Pil diever e menaschi dallas deponias a Fadretsch vala suandonta reglamentaziun:
Curdem verd
Tut il material derivonts d’orts e curtgins (flurs, pastg, zerclem) ei da deponer ella suoschna sper la serenera a Fadretsch.
Cartun
Il cartun sa vegnir deponius el container al plaz dall’entrada dalla serenera a Fadretsch. El sto esser smaccaus plat e mess ensemen! Ei vegn supplicau da tener serrau gl’uvierchel.
Sacs blaus per plastic
Ils sacs blaus per plastic san vegnir deponi giu la serenera el container corrispundent. Ei vegn supplicau da tener serrau gl’uvierchel.
Ieli vegl da cuschinar
Ieli vegl da cuschinar vegn rimnaus en ina buot avon l’entrada dalla serenera. Ei secapescha da sesez che mintgin pren cun el siu recipient vit.
Restonzas da caglias eav.
Caglias, roma ed auter ei da deponer sil plaz all’entrada sisuren dalla deponia a Fadretsch.
Pil mument valan ils suandonts temps d’avertura:
Lenna /mischiera
Per lenna veglia stat in container sigl areal dalla deponia sisuren a disposiziun. Plinavon san pigns quantums (ca. 1t) mischiera (Bauschutt) vegnir deponi leu en in container. Gronds quantums mischiera ein da transportar directamein silla deponia regiunala a Rueun. Per lenna e mischiera vegn incassau suandontas taxas:
- lenna veglia 30.—/m3
- mischiera 70.—/t
Adatg!
Per furniziun da lenna veglia e mischiera ei la deponia sulettamein aviarta ils suandonts datums dallas 16.00 entochen las 18.00 uras sut survigilonza d’in luvrer da vischnaunca:
- mesjamna, ils 23-04-2025
- mesjamna, ils 07-05-2025
Per tut las furniziuns ordeifer ils datums fixai vegn quintau las spesas da presenza.
Suprastonza communala
Medel/Lucmagn