Stab directiv communal
Igl intent dil stab directiv communal (SDC) ei la coordinaziun denter ils corps d’agid existents dalla vischnaunca da Medel: pumpiers, survetsch da lavinas e prighels dalla natira, uniun samaritana ed il schurmetg civil Surselva.
Per dumignar situaziuns extraordinarias ni catastrofas ha il stab directiv communal las suandontas incumbensas:
- prender mesiras da prenvenziun ed orientar la populaziun;
- proteger la populaziun, ils beins materials ed igl ambient;
- minimar donns;
- tschentar damondas d’agid al cantun aschinavon ch’ils mieds tonschan buca;
- restabilir aschi spert sco pusseivel la situaziun ordinada.
Loghens d’inscunter en cass d’urgenza – Vies post da consultaziun en cass da catastrofas e situaziuns d’urgenza
Per che la communicaziun ed igl agid ellas vischnauncas funcziuneschien era en situaziuns d’urgenza ed en cass da catastrofa, ein loghens d’inscunter en cass d’urgenza vegni defini. Loghens d’inscunter en cass d’urgenza surveschan spirontamein per la communicaziun. Els loghens menziunai survegnis Vus dalla vischnaunca en cass da catastrofas informaziuns davart la situaziun actuala ed agid.
Il post d’inscunter en cass d’urgenza da nossa vischnaunca sesanfla en la
Tgesa Lucmagn, Via Lucmagn 32, 7184 Curaglia
Ils posts ein d’anflar sut: www.notfalltreffpunkt.ch
Ils habitonts dils vischinadis ein supplicai da sedrizzar tier la persuna da contact dil vischinadi.
Ulteriuras informaziuns tier quei tema anfleis Vus sin la pagina d’internet dil cantun Grischun sut bevoelkerungsschutz.gr.ch.