Deponias communalas / Gemeindedeponien
Pil diever e menaschi dallas deponias a Fadretsch vala suandonta reglamentaziun e temps d’avertura:
Curdem verd
Tut il material derivonts d’orts e curtgins (flurs, pastg, zerclem) ei da deponer ella suoschna sper la serenera a Fadretsch.
Cartun
Il cartun sa vegnir deponius da tut temps el container al plaz dall’entrada dalla serenera a Fadretsch. El sto esser smaccaus plat e mess ensemen! Ei vegn supplicau da tener serrau gl’uvierchel.
Sacs blaus per plastic
Ils sacs blaus per plastic san vegnir deponi giu la serenera el container corrispundent. Ei vegn supplicau da tener serrau gl’uvierchel.
Adatg!
Nus supplichein instantamein da separar tut il material e deponer tal el liug destinau persuenter, cass cuntrari ei la vischnaunca obligada egl avegnir da survigilar la deponia cun pretender ina taxa pil curdem.
Restonzas da caglias eav.
Caglias, roma ed auter ei da deponer sil plaz all’entrada sisuren dalla deponia a Fadretsch.
Ieli vegl da cuschinar
Ieli vegl da cuschinar vegn rimnaus en ina buot avon l’entrada dalla serenera. Ei secapescha da sesez che mintgin pren cun el siu recipient vit.
Lenna /mischiera
Per lenna veglia stat in container sigl areal dalla deponia sisuren a disposiziun. Plinavon san pigns quantums (ca. 1t) mischiera (Bauschutt) vegnir deponi leu en in container. Gronds quantums mischiera ein da transportar directamein silla deponia regiunala a Rueun. Per lenna e mischiera vegn incassau suandontas taxas:
• lenna veglia fr. 30.—/m3
• mischiera fr. 70.—/t
Adatg!
Per furniziun da lenna veglia e mischiera ei la deponia sulettamein aviarta suandonts datums dallas 16.00 entochen las 18.00 uras sut survigilonza d’in luvrer da vischnaunca.
Per tut las furniziuns ordeifer ils datums fixai vegn quintau las spesas da presenza.
Datums:
avrel: 22.04.
matg: 01.05.
zercladur: 05.06. / 19.06.
fenadur: 17.07.
uost: 14.08.
settember: 18.09.
Curaglia, avrel 2024
La suprastonza communala
Medel/Lucmagn