Cass da mortori
In mortori a casa (en vischnaunca)

• Contactar il miedi per schar constatar la mort (mo tier mortoris a casa)
• Contactar il secretariat 078 269 90 88
• Contactar parents e la canzlia communala (mo tier mortoris a casa)
• Contactar il survetsch da bara Furgertaxi SA 081 936 44 44
• Procurar per las annunzias ellas gasettas
• Planisar las notizias biograficas per il plevon
• Organisar ils 4-porta-bara, 1 porta crusch e porta tschupials per la sepultura
• Fixar cun il secretariat il datum per la messa da sepultura e la messa dil trentavel

Battens
Ozildi san ils geniturs ni las famiglias decider en tgei baselgia ni caplutta ch’ellas giavischan da schar battegiar lur affons. Succeda il batten en ina da nossas baselgias ni capluttas entras nies spiritual ei il survetsch per parochians/as e parochians/as ch’ein carschi si en nossa pleiv gratuits. Igl ei denton era pusseivel per parochians/as ordeifer nossa pleiv da schar battegiar lur affons en ina da nossas baselgias ni capluttas entras nies spiritual. En quei cass sedrezzan ils prezis tenor regulativ d’indemnisaziun dalla Pleiv da Medel/Lucmagn.

Nozzas
Era tier las nozzas san ils nozzadurs eleger la baselgia ni caplutta preferida. Succedan las nozzas en ina da nossas baselgias ni capluttas e da nies spiritual cun parochians/as ni parochians/as ch’ein carschi si en nossa pleiv, lu ei il survetsch gratuits. Nozzadurs ordeifer nossa pleiv astgan era far diever da nossas baselgias, capluttas e da nies spiritual. Leu sedrezzan ils prezis tenor regulativ d’indemnisaziun dalla Pleiv Medel/Lucmagn.