Agricultura

Il far il pur enta Medel sereducescha pli e pli sin paucs mo gronds menaschis purils. Stallas grondas e modernas ed in parc da maschinas da tuttas uisas surveschan per dar damogn allas lavurs.
Tiers gronds da divers razs sco era nuorsas e cauras ein ils animals preferi. La stad va la muaglia ad alp e vegn repartida sin ver 10 alps. Ils viandonts ein savens confruntai da passar atras territoris tschinclai da seivs electricas ni cun ina viseta da tgauns da schurmetg.
Il fein vegn raccoltaus e zugliaus per gronda part en ballas. Legreivlamein eis ei puspei da cattar tscheu e leu in èr da truffels, da graun ni da pulenta.