Transport da rumians blocconts / Sperrmülltransport
La vischnaunca organisescha era quest atun in transport special per la dismessa da rauba che sa buca vegnir dismessa cul transport usitau da ruminas. Tut rufid sto vegnir transportaus ella deponia a Fadretsch. La rimnada ha liug sut survigilonza
gievgia, ils 10 e venderdis, ils 11 d’october 2024
mintgamai dallas 13.00 uras – 18.30 uras.
Tutta ferradira sto vegnir separada digl ulteriur rufid. Per quei intent stattan differents containers a disposiziun.
Cartun e sacs blaus san medemamein vegnir dismess quei di sigl areal dalla serenera.
Ei sa vegnir dismess maximalmein 2 m3 rufid per casada gratuit. Per ulteriurs m3 vegn incassau ina taxa da fr. 50.—/m3.
Nus supplichein da prender enconuschientscha che apparaturas electricas ed electronicas (sco p.ex. apparats pigns e gronds per il tenercasa, electronica da biro e da divertiment sco era battarias d’auto e pil tenercasa) astgan buca vegnir dismessas cun la rimnada da rauba blocconta. Quei rufid sa vegnir returnaus gratuit allas fatschentas nua ch’ins sa cumprar tal (era senza nova cumpra) resp. vegnir deponius gratuit alla staziun dalla Viafier retica a Mustér (081/288 43 44) duront las uras da spurtegl.
Adatg!!
Ils suandonts rumians astgan buca vegnir dismess culs rumians blocconts: Rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa e tievlas. Medemamein sa era launa nuorsa buca vegnir dismessa culs rumians blocconts.
Far diever da quels transports astgan mo ils habitonts da nossa vischnaunca.
Suprastonza communala
Medel/Lucmagn
Curaglia, settember 2024